Gazetari Lutfi Dervishi ka bërë një ironi therëse për zgjedhjet që u mbajtën këtë të shtunë për kryetarin e Partisë Demokratike.
Pasi kryetarit të Komisionit te Zgjedhjeve, Jemin Gjana mohoi që procesi të kishte parregullsi, kjo edhe pas denoncimeve nga kandidati Eduard Selami, Dervishi bën një status pikant në rrjetet sociale.
“Votova në katër qendra votimi dhe nuk pashë asnjë parregullsi”, shkruan në Twitter Dervishi.
Ironia e gazetarit nuk i ka shpërthyer as Drejtorit të Komunikimit të kryeministrit Endri Fuga, i cili e ka rishpërndarë statusin në profilin e tij duke vënë ikonën e të qeshurës me lot.
Gjatë ditës së sotme pati akuza për votime familjare, votime të njerëzve pa dokumente identifikimi apo shifra fiktive të pjesëmarrjes. /Gazeta Express
